Се намалува царината за стари возила на 1%

Царинската стапка за стари возила увезени од Европската унија ќе се намали од два на еден отсто. Според директорот на Царинската управа, Ванчо Каргов, царинската стапка за увоз на стари возила од земји надвор од ЕУ ќе се сведе на царинската стапка за нови во висина од пет отсто.

-Со стапувањето на сила на прописите, Царината нема да има проблем во работењето, смета Каргов. Тој објаснува дека овие измени истовремено ќе го решат и проблемот на 20.000 возила со странски регистарски таблички. Каргов најавува имплементација нови информатички технологии во работата на Царината, што ќе придонесе за нејзино поефикасно работење.